GSEB HSC Result 2024 Live: ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSEB) એ આજે (9 મે 2024) 12મા વિજ્ઞાન, આર્ટસ અને કોમર્સનું પરિણામ જાહેર કર્યું છે. ગુજરાત બોર્ડની ઇન્ટરમીડિયેટ પરીક્ષામાં હાજર રહેલા વિદ્યાર્થીઓ બોર્ડની અધિકૃત વેબસાઇટ gseb.org પર જઈને તેમનું પરિણામ ચકાસી શકે છે. વર્ષ 2024માં કુલ 1.1 લાખ વિદ્યાર્થીઓએ વિજ્ઞાન પ્રવાહની પરીક્ષા આપી હતી. સામાન્ય પ્રવાહની પરીક્ષામાં 3.5 લાખથી વધુ વિદ્યાર્થીઓએ પરીક્ષા આપી હતી. આ વખતે 4.7 લાખ વિદ્યાર્થીઓએ 12માની પરીક્ષા આપી હતી. 12 સામાન્ય પ્રવાહમાં 91.93 ટકા વિદ્યાર્થીઓ પાસ જાહેર થયા છે.
Check 12th Result 2024 Gujarat Board Link – જ્યારે વિજ્ઞાન પ્રવાહનું પરિણામ 82.45 ટકા આવ્યું છે. આ વર્ષે વિજ્ઞાન પ્રવાહમાં છોકરાઓએ છોકરીઓ કરતાં નજીવા માર્જિનથી સારો દેખાવ કર્યો છે. 82.35 ટકા છોકરીઓ પાસ થઈ છે. જ્યારે 83.53 ટકા છોકરાઓ પાસ થયા છે. GSHSEBના અધ્યક્ષ બંછાનિધિ પાનીએ જણાવ્યું હતું કે 2016 પછી પ્રથમ વખત વિજ્ઞાન પ્રવાહમાં 82 ટકાથી વધુ વિદ્યાર્થીઓ પાસ થયા છે. આ વર્ષે મોરબી જિલ્લાના વિદ્યાર્થીઓએ ગુજરાત બોર્ડ 12ની પરીક્ષામાં શ્રેષ્ઠ દેખાવ કર્યો છે. છોટાઉદેપુર જિલ્લાના બોડેલીનું પરિણામ સૌથી ઓછું આવ્યું છે. બોડેલીમાં 47.98 ટકા વિદ્યાર્થીઓ પાસ થયા છે. ગત વર્ષે લીમખેડાનું પરિણામ સૌથી ઓછું એટલે કે 22 ટકા આવ્યું હતું.